Plantun de Prouvènço

Pèr coumpara dos planto d'encò nostre

Hieracium lantoscanum & Abies alba

Hieracium lantoscanum

Asteraceae Compositae

Nom en français : Épervière à fleurs pâles.

Descripcioun :
Aquesto esparello trachis dins li relarg safranous d'auto mountagno. Se recounèis majamen à si fueio bèn verdo e oundado, e à si flour jauno palinouso emé de bratèio proun glandulouso. Fai de tijo souto terro ço que douno de coulounìo sus lis esboudèu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : Pancaro entresigna
Aparado : Noun

Liò : Champino - Esboudèu - Roucaio - Esboudèu
Estànci : Subaupen à Aupen
Couroulougi : Pancaro entresigna
Ref. sc. : Hieracium lantoscanum Burnat & Gremli, 1883

Sapin

Abies alba

Pinaceae

Àutri noum : Sap, Sapino, Abet, Sapi.

Noms en français : Sapin pectiné, Sapin blanc.

Descripcioun :
Pèr pas s'engana emé la serento fau regarda coume soun lis aguio o peréu li pigno (o vacheto). Li fueio dóu sapin soun tóuti dins lou meme plan coume un penche, au contro de li de la serento que soun estacado tout à l'entour de la ramo coume uno brosso. De nouta pamens qu'acò marcho pas pèr d'ùni sap fourestié (coume Abies pinsapo). Li pigno, quouro li poudès vèire, se tènon bèn drecho, alor qu'encò de la serento pendoulon.

Usanço :
La pegoulo (bijoun) dóu sapin èi di proun vulneràri. Ero acampado emé de boutihoun coupa en biais e tanca dins li bosso de la rusclo (O. Madon). S'emplegavo en emplastro sus lis estorso (P. Lieutaghi) o dins li tisano contro lou toussi.